Prezident hökuməti “Rus rejimi” adlandırdı

Hökumət öz vətəndaşlarımıza, gənclərimizə qarşı əsl terror rejiminə keçib.

Qerbxeber.com  Gürcüstan mediasına istinadla xəbər verir ki, bu fikirləri Gürcüstan Prezidenti Salome Zurabişvili keçirdiyi brifinqdə səsləndirib.

Prezidentin sözlərinə görə, bu, öz hərəkətləri ilə Gürcüstan Konstitusiyasını pozan rus rejimidir.

“Bütün hüquqlar pozulur. Vətəndaş sektorunun səsi ucaldıqdan sonra bu, bizim ölkəmiz üçün yeni bir hadisədir və vətəndaş cəmiyyətinin böyüdüyünün, bu gün daha şüurlu olduğunun aydın bir əlamətidir. Bu, qorxu və təhdidlərə səbəb oldu. Tbilisi merinin bəyanatı da qeyd olunmalıdır, lakin yalnız o deyil. O, bu cür davranışı ilə vətəndaşlara, etirazı dəstəkləyənlərə təhdid edən yeganə şəxs olmayacaq. Bu, ifadə azadlığının da məhdudlaşdırıldığını göstərən ən açıq əlamətdir.

Bütün bunları siz də yaxşı bilirsiniz və burada hər şeyi təsvir etməyəcəyəm. Amma bu, ölkədə yalnız insan hüquqlarının məhdudlaşdırılması ilə kifayətlənmədiyini göstərir. Cəmiyyətin müxtəlif təbəqələrinə qarşı bu rejim hətta işgəncə tətbiq etməkdən çəkinmir. Bunu başqa sözlərlə ifadə etmək və qısaca təsvir etmək lazımdırsa, bu, artıq rus rejimidir. Onların əməlləri ilə Gürcüstan Konstitusiyası pozulur. Gürcüstan Konstitusiyasının 9-cu maddəsi – insan ləyaqətinin toxunulmazlığı; 17-ci maddə – fikir və ifadə azadlığı; 21-ci maddə – toplantı azadlığı. İnsan Hüquqları Ümumdünya Bəyannaməsinin 19-cu maddəsi – ifadə, dinc toplaşma və birləşmə azadlığı; İnsan Hüquqları üzrə Avropa Konvensiyasının 3-cü maddəsi – işgəncə və qeyri-insani rəftarın qadağan olunması; 10-cu maddəsi – ifadə azadlığı; 11-ci maddəsi – toplantı və birləşmə azadlığı. Bu rejim bununla kifayətlənmir və yeni qanunlar hazırlayır”, – deyə Salome Zurabişvili qeyd edib.

Mənbə:Aktual.ge