Dünyanın ən bahalı döyüşünün qalibi bəlli oldu

Dünya boksunun canlı əfsanəsi Mayk Tayson tanınmış bloqer Ceyk Pola məğlub olub. Qərbxəbər.com xəbər verir ki, C.Pol Texas ştatının Arlinqton şəhərindəki AT&T arenada təşkil olunan peşəkar boks gecəsində hakimlərin yekdil qərarı ilə qalib elan olunub – 79:73. Qarşılaşma 8 raunddan ibarət olub. Qeyd edək ki, 58 yaşlı Tayson peşəkar karyerası ərzində buna qədər keçirdiyi 56 döyüşün 50-də qələbə qazanıb, 6-da isə məğlub olub. O, peşəkar karyerasını 2005-ci ildə başa vurmuşdu. Ceyk Pol isə əvvəlki 11 döyüşün 10-da qələbə qazanıb, 1-də məğlub olmuşdu. Qeyd edək ki, Mayk Tayson və Ceyk Polun hər biri döyüşdən təxminən 20 milyon dollar qazanıb.