Avropa İttifaqı Gürcüstanla bağlı bəyanat yayıb

Qerbxeber.com bəyanatı təqdim edir:

“26 oktyabrda Gürcüstanda keçirilən parlament seçkilərindən sonra baş verən hadisələr çox narahatedicidir. Beynəlxalq müşahidəçilər həm seçki kampaniyası zamanı, həm də seçki günündə pozuntular qeydə alıblar. Onlar, həmçinin seçkilərin azad və ədalətli olduğunu bəyan etməyiblər.

Şəffaf araşdırma aparmağınızı xahiş edirəm. Gürcüstanın Mərkəzi Seçki Komissiyası və müvafiq qurumlar müşahidəçilərin qeyd etdiyi pozuntuları, seçicilərə təzyiq və hədələri araşdırmalı, bu da cəmiyyətin prosesə inamına təsir edir. Bu pozuntular tez, şəffaf və müstəqil şəkildə aradan qaldırılmalıdır.

Gürcüstan Avropa İttifaqına namizəd ölkədir və bu statusda Avropa dəyərlərinə sadiqliyini, seçki prosesinin tam şəffaflığı ilə nümayiş etdirməlidir. Vicdanla keçirilən seçkilər və qanunun aliliyinə hörmət demokratiyanın təməl daşıdır və Avropa İttifaqına üzvlük yolunun ayrılmaz hissəsi və əsasını təşkil edir.

Siyasi və Təhlükəsizlik Komitəsinə Gürcüstandakı ağır vəziyyətin təcili müzakirəsi üçün bu gün toplaşmasını xahiş etdim. Bu məsələni noyabr ayında keçiriləcək Xarici İşlər Şurasının gündəliyinə də daxil etdim.

Gürcüstan əhalisi aylardır demokratik dəyərlərə və ölkənin Avropa İttifaqına gedən yolda irəliləməsinə sadiqliyini göstərir. Onlar seçki prosesi ilə bağlı aydınlıq əldə etməyə və növbəti hökumətin legitimliyinə inam hiss etməyə layiqdirlər. Vacibdir ki, etiraz aksiyaları və onlara hökumətin reaksiyası dinc xarakterdə qalsın. Ölkədə demokratik geriləmə dayandırılmalı və tamamilə dəyişdirilməli, plüralist, demokratik cəmiyyəti formalaşdıran media, vətəndaş cəmiyyəti və müxalifət üçün əlverişli mühit təmin olunmalıdır”.