Paris-2024: Azərbaycan boksçusu finala yüksəldi

Azərbaycan boksçusu Alfonso Dominqes Paris-2024 Yay Olimpiya Oyunlarında finala yüksəlib.

Qerbxeber.com xəbər verir ki, o, yarımfinalda Enmanuel Reyes Pla (İspaniya) ilə görüşüb.

Döyüş boksçumuzun üstünlüyü ilə keçib. Hər 3 raundu aktivinə yazan Dominqes Fransa paytaxtında ardıcıl 3-cü qələbəsini qazanıb – 4:1 (28:29, 29:28, 29:28, 29:28, 30:27).

Bununla da Dominqes finala vəsiqə qazanıb. Həlledici görüş avqustun 9-da baş tutacaq. İdmançının finalda rəqibi Lazizbek Mullojonov (Özbəkistan) – Davlat Boltayev (Tacikistan) cütünün qalibi olacaq.

Qeyd edək ki, Tokio-2020-də bürünc medal qazanan Alfonso Azərbaycan tarixinə iki olimpiya medalı qazanan ilk boksçu kimi düşüb.