ABŞ Gürcüstanın hökumət üzvlərinə və onların qohumlarına qarşı sanksiya tətbiq edir

Birləşmiş Ştatlar Gürcüstanın hökumət üzvlərinə və onların qohumlarına qarşı viza sanksiyaları tətbiq edir.

xəbər verir ki, bu barədə ABŞ Dövlət Departamentinin mətbuat katibi Mettyu Miller brifinqdə açıqlayıb.

O vurğulayıb ki, bu, viza məhdudiyyətlərinin ilk paketidir və bu paketə Gürcüstanın hakim partiyasının üzvləri, deputatlar, hüquq-mühafizə orqanlarının əməkdaşları və bəzi fiziki şəxslər daxildir:

“Biz ümidliyik ki, Gürcüstan liderləri öz hərəkətlərinə yenidən nəzərdən keçirəcək və ölkələrinin uzun müddətdir bəyan etdiyi demokratik və Avro-Atlantik istəklərinə doğru irəliləmək üçün addımlar atacaqlar. Lakin bunu etməsələr, Birləşmiş Ştatlar əlavə tədbirlər görməyə hazırdır”, – deyə sözçü vurğulayıb.

O, bildirib ki, viza məhdudiyyətləri yalnız ilk addımdır – dönüş üçün hələ vaxt var: ABŞ-ın verəcəyi digər qərarlar Gürcüstanın seçdiyi siyasətdən asılı olacaq.