Xankəndidə TARİXİ GÖRÜŞ
Bu gün Azərbaycan kubokunda 1/8 final mərhələsinə yekun vurulacaq.
“Qərb Xəbər” məlumat verir ki, son oyun günündə 2 matç keçiriləcək.
“Qarabağ” MOİK-lə qarşılaşacaq. Tarixi əhəmiyyət daşıyan görüş qədim şəhərimiz Xankəndidə keçiriləcək.
Görüş saat 14:00-da başlayacaq. Bu, 30 illik fasilədən sonra Qarabağ bölgəsinin işğaldan azad edilən hissəsində ilk rəsmi oyun olacaq.
1/8 finalın son matçında “Neftçi” – “Qaradağ Lökbatan”ı qəbul edəcək. Qarşılaşmaya saat 18:00-da start veriləcək.
Qeyd edək ki, daha əvvəl keçirilən görüşlərdən sonra “Sumqayıt”, “Sabah”, “Araz-Naxçıvan”, “Qəbələ”, “Səbail” və “Zirə” 1/4 finala vəsiqə qazanıb.
Azərbaycan kuboku, 1/8 final
21 dekabr
14:00 Qarabağ – MOİK
Xankəndi şəhər stadionu
18:00 Neftçi – Qaradağ – Lökbatan
Hakimlər: Kamran Əliyev, Elşad Abdullayev, Teymur Teymurov, Vüqar Həsənli
“Neftçi Arena”.
