Stoltenberq daha bir il NATO-nun baş katibi vəzifəsində qalacaq
NATO-nun baş katibi Yens Stoltenberq 2024-cü il oktyabrın 1-dək vəzifəsində qalacağını açıqlayıb.
“Qərb Xəbər” xarici mətbuata istinadən xəbər verir ki, bu barədə Stoltenberq özü açıqlama verib.
NATO diplomatları Stoltenberqin böhran vəziyyətlərində hərbi alyansı idarə etmək bacarığını qeyd edirlər. Onlar hesab edirlər ki, baş katibin səlahiyyət müddətinin uzadılması vaxta qənaət etməyə və namizədlərlə bağlı debatlar təşkil etmək əvəzinə diqqəti Ukraynaya dəstək göstərilməsinə cəmləməyə imkan verəcək.
Xatırladaq ki, onun səlahiyyət müddəti 2023-cü il sentyabrın 30-da başa çatır.
