Aİ Rusiya Mərkəzi Bankının 200 mlrd. avro dəyərində aktivlərini dondurub
Ukraynada müharibənin başlamasından sonra Avropa İttifaqı (Aİ) ölkələri Rusiya Mərkəzi Bankına məxsus 200 milyard avro (215 milyard dollar) dəyərində aktivləri dondurub.
“Qərb Xəbər” “Bloomberg“ə istinadən xəbər verir ki, Aİ ölkələri dondurulmuş vəsaitlərin yeri ilə bağlı Avropa Komissiyasını məlumatlandırıb.
Qeyd edək ki, Avropa Komissiyasının Prezidenti Ursula fon der Leyen daha əvvəl Aİ ölkələrinin Rusiya Mərkəzi Bankına məxsus 300 milyard avro dəyərində aktivləri dondurduğunu açıqlamışdı.
