Tovuz döyüşləri iştirakçısının köməyə ehtiyacı var

Tovuz rayonu Əyyublu kənd sakini, iyul döyüşləri iştirakçısı 37 yaşlı hərbçi Hüseynov Elnur Vahid oğlu kəskin mieoblast leykemiya (qan xərçəngi) xəstəliyindən əziyyət çəkir.

“Qərb Xəbər” “Globalinfo.az”a istinadən bildirir ki, bu barədə onun döyüş yoldaşları məlumat verib.

Məlumata görə, E.Hüseynovun Azərbaycanda sağalması mümkün deyil:

“Bizə dedilər ki, Elnurun əməliyyatı yalnız xarici ölkədə baş tuta bilər. Ailə qardaş ölkə Türkiyədə həkim tapıb. Əməliyyat üçün 150 min ABŞ dolları tələb olunur. Ailənin indiki vəziyyəti buna imkan vermir. Elnur 2020-ci ildə Tovuz döyüşləri zamanı yaralandı. Ondan sonra bu xəstəlik onu tapdı. Elnurun 3 azyaşlı övladı var. Yardımsevər, müharibə iştirakçılarına dəyər verən hər kəsdən xahiş edirik ki, 37 yaşlı Elnura dəstək olsunlar”.