Türkiyədə Qara dəniz qazı quruya çatdırılıb

Türkiyədə Qara dənizin “Sakarya” yatağından çıxarılan təbii qaz quruya çatdırılıb.

“Qərb Xəbər” in xəbərinə görə, Türkiyə Prezidenti Rəcəb Tayyib Ərdoğan Zonquldak vilayətinin Filyos rayonunda rəsmi məşəlin alovlandırılması mərasimində iştirak edib.

Türkiyə lideri mərasimdə çıxışı zamanı deyib ki, “Sakarya” yatağından birinci mərhələdə gündə 10 milyon kubmetr qaz, gələcəkdə qazılacaq yeni quyularla isə gündə 40 milyon kubmetr qaz çıxarılacaq.

Xatırladaq ki, Türkiyə tərəfindən 2020-ci ildə Qara dənizdə aşkarlanan “Sakarya” yatağının aşkarlanan ümumi qaz ehtiyatı 710 mlrd. kubmetr təşkil edir.