Prezident: Azərbaycan-Bosniya və Hersoqovina əlaqələri bundan sonra yüksələn xətlə inkişaf edəcək

İlk növbədə, mənə göstərdiyiniz qonaqpərvərliyə görə, sizə təşəkkürümü bildirmək istəyirəm. Mən gözəl ölkənizdə olmağımdan çox məmnunam.

Bunu Prezident İlham Əliyev Bosniya və Herseqovina Rəyasət Heyətinin Sədri Jelka Tsviyanoviç ilə birgə mətbuata bəyanatla çıxışı zamanı deyib.

“Sizin qeyd etdiyiniz kimi, biz sizinlə bir ay yarım əvvəl Bakıda görüşmüşdük və siz məni ölkənizə dəvət etmişdiniz. Bu gün geniş fikir mübadiləsi əsnasında biz Bosniya və Hersoqovina-Azərbaycan əlaqələrinin gələcək inkişafı ilə bağlı vahid mövqeyə gəlmişik. Bu əlaqələr bundan sonra yüksələn xətlə inkişaf edəcək”, – Prezident vurğulayıb.