İrəvan Qarabağdakı separatçıları Azərbaycan əsgərinin önünə atır – Analiz

Ermənistanın təhlükəsizlik şurasının katibi Armen Qriqoryanın açıqlamaları göstərir ki, İrəvan Azərbaycanın ərazi bütövlüyünü tanımaq istəsə də, Qarabağ məsələsindən əl çəkmək niyyətində deyil.

İrəvan istəyir ki:

– Qarabağdakı ermənilər ətrafında hərbisiziləşdirilmiş zona yaradılsın, Ermənistanla əlaqə xətti saxlanılsın;
– Qarabağa beynəlxalq qüvvələr gəlsin, ermənilərin təhlükəsizliyini qorusun;

Yəni Ermənistan Qarabağı Azərbaycan ərazisi kimi tanısa da, məsələyə hüquqi problem olaraq baxılmasında maraqlıdır. Bu, Azərbaycan sərhədləri daxilində “erməni anklavının” beynəlxalq zəmanət altında yaradılması deməkdir.

Bakı bunu qəbul etmir və etməyəcək, lakin hazırda Qərbin vasitəçiliyi ilə ciddi kulis danışıqlarının getdiyi də görünür və danışıqların irəliləməsindən öncə Qarabağdakı separatçılara qarşı praktiki addımların atılması masada da əlimizi gücləndirə bilər.

Asif Nərimanlı