Qırmızı Körpü gömrük-keçid məntəqəsində bəyan edilməmiş pul aşkarlanıb

Qırmızı Körpü və Tbilisi hava limanında bəyan edilməmiş pul aşkarlanıb.

BU barədə Gürcüstanın Maliyyə Nazirliyinin Gəlirlər Xidmətindən məlumat verilib.

Məlumata görə, “Qırmızı Körpü” və “Tbilisi Hava Limanı” gömrük-keçid məntəqələrində Maliyyə Nazirliyinin Gəlirlər Xidmətinin gömrük əməkdaşları şübhə əsasında müxtəlif ölkə vətəndaşlarının həm fiziki yoxlanılması, həm də şəxsi çantalarına baxış nəticəsində bəyan edilməmiş 339 957 ABŞ dolları və 1470 lirə məbləğində pul aşkar ediblər.

“Milli Bankın məzənnəsinə əsasən bəyan edilməmiş pulun ümumi məbləği 906 654,33 lari təşkil edib.

Gürcüstan Gömrük Məcəlləsinin 169-cu maddəsinin 3-cü hissəsinə uyğun olaraq qanunu pozan vətəndaşlar sanksiya şəklində 90 665,43 lari (məbləğin 10%-i) məbləğində cərimələniblər”, – deyə bildirilib.

InterPress.ge