Aİ nümayəndəsi Ermənistana gəlib

Avropa İttifaqının (Aİ) Cənubi Qafqaz üzrə xüsusi nümayəndəsi Toivo Klaar Ermənistanın paytaxtı İrəvanda səfərdədir.

“Qərb Xəbər” xəbər verir ki, o, bu barədə tviterdə yazıb:

“Bir gün görüşlər üçün İrəvana qayıtdım”.

T. Klaar Ermənistan rəsmiləri ilə Laçın yolundakı durumu müzakirə edəcəyini bildirib.

O qeyd edib ki, Aİ-nin məqsədi Ermənistanla Azərbaycan arasında hərtərəfli həll yoluna nail olmaqdır.

Xatırladaq ki, Klaar sonuncu dəfə ötən ilin dekabrında Ermənistanda olub.