“Turan Tovuz”un legioneri: “Özümə yeni ev tapdığım üçün xoşbəxtəm”

“Özümə yeni ev tapdığım üçün xoşbəxtəm”.

“Qərb Xəbər”in məlumatına görə, bunu “Turan Tovuz”un Cənubi Afrika Respublikasından olan futbolçusu Siyanda Xulu Azərbaycan təmsilçisinə keçidi ilə bağlı ölkəsinin mətbuatına açıqlamasında deyib.

31 yaşlı müdafiəçi hələlik karyerasını xaricdə davam etdirmək istədiyini bildirib: “İsrailin “Hapoel” (Tel Əviv) klubu ilə müqaviləm ləğv olunduqdan sonra da planım legioner həyatına davam etmək idi. Amma asan olmayacaq. Burada yeni mühit, mədəniyyət və liqa var. Ümid edirəm ki, mənim və “Turan Tovuz” üçün məhsuldar mövsüm alınacaq”.

Qeyd edək ki, “Turan Tovuz” avqustun 17-də Siyanda Xulu ilə bir illik müqavilə imzalayıb.