Biz çalışmalıyıq ki problemlər həll olunsun: POLİTOLOQ

Fransada erməni vandalları Azərbaycanın bu ölkədəki səfirliyinə basqın ediblər.
“Qərb Xəbər”in xəbərinə görə, Fransanın hüquq-mühafizə orqanları səfirliyin binasının mühafizəsini lazımınca təşkil etməyiblər.

Bundan istifadə edən erməni vandalları əvvəlcə səfirliyin qarşısındakı dəmir maneələri aşırıblar, sonra isə binanın giriş qapısını sındırmağa, içəri daxil olmağa çalışıblar. Ermənilərin qanunsuzluğunu əks etdirən videogörüntülərdə yerli hüquq-mühafizə orqanları əməkdaşlarının erməni vandalizminin qarşısını almaq üçün heç bir tədbir görmədiyi əks olunub.

Məsələ ilə bağlı “Qərb Xəbər”ə danışan politoloq Azər Qasımlı bildirib ki, hücumların olmasını çox mənfi dəyərləndirirəm:” Azərbaycan Respublikasının səfirlikləri hansı ölkələrdədirsə həmin ölkədə onun rəsmi dövlət qrumları bununla bağlı tədbir görməlidirlər. Elə bir tədbir görməlidirlər ki, qarşıdurmalar olmasın. İstər Ermənilər tərəfindən olsun istərsədə azərbaycanlılar tərəfindən belə bir aqresiya yolverilməzdir. Bu halda da iki dövlət, iki xalq arasında münsibətlərin yaxşılaşdırılmasından söhbət gedə bilməz. Biz çalışmalıyıq ki problemlər həll olunsun sülh olsun ancaq belə hücumlarla heçnəyə nail olmaq olmaz. Eləcədə ermənilər belə hücumlarla heçnəyə nail ola bilməyəcəklər!”

Ülviyyə Həsənli
Qərb Xəbər