Növbədənkənar parlament seçkiləri keçiriləcəkmi? – Politoloq

Sosial şəbəkələrdə Milli Məclisdə növbədənkənar parlament seçkilərinin keçiriləcəyinə dair xəbərlərə rast gəlinir. “Kanal24online” adlı Youtube kanalında paylaşılan video materialda Milli Məclisin heyyətinin erkən formalaşacağı iddia olunub. Sözügedən xəbərlərdə Ramiz Mehtiyevə yaxınlığı ilə bilinən bəzi deputatların YAP-ın yeni formalaşan heyyətində yer almayacağı da deyilib.

İddialar ilə bağlı ‘Qərb Xəbər’ə danışan politoloq Qabil Hüseynli bildirib ki, Milli Məclisdə növbədənkənar parlament seçkiləri ilə bağlı rəsmi bir açıqlama və ya bəyanat yoxdur.

‘Bununla bağlı yalnız mülahzələr var. Müxtəlif rəylər var. Bu iddialar keçən ildən mövcuddur. Amma, reallıqda bu öz əksini tapmır. Ona görə də düşünürəm ki, bu qeyri rəsmi xəbərlərə ehtiyatla yanaşmaq lazımdır. Əlbətdə siyasi qərarlar ola bilər. Bu siyasi qərarların təyinatı çərçivəsində müəyyən praktik addımlar atıla bilər’.

Qabil Hüseynli əlavə edib ki, Üzünü Qərbə doğru yönəltmiş Azərbaycanın Avropa İttifaqı ilə siyasi xətlərin daha da dərinləşdirilməsi istiqamətində addımlar atmasına yaraya bilər.
‘Ona görə də bu iddiaların bir əsası olmadığından bir rəy bildirmək çətindir. Parlametntdə vaxtından əvvəl də seçkilər elan edilə bilər. Ola bilsin ki, Parlament seçkilərindən əvvəl referendum keçirilsin. Konstitusiyada bəzi dəyişiklərin edilməsi barədə də siyasi qərar ola bilər. Parlament seçkilərindən sonra indiki kadrlardan çox az deputatın qalacağı ehtimalı var. Lakin bunu Ramiz Mehtiyevlə əlaqələndirmək tezdir.

‘Ölkədə R. Mehtiyev sindromu var və onun bütün səlahiyyətlərinin aradan qaldırılmasına dair çox insanın arzusu var. Ona görə də bununla bağlı əvvəlcədən siyasi proqnozlar gündəmə gətirirlər’ – deyə politoloq bildirib.

Rahib İsgəndərli
Qərb Xəbər