”Omikron” ştamına görə maska ​​tələbi geri qayıdacaqmı? – İnfeksionist

Koronavirusun “omikron” ştamının yeni mutasiyaları dünyada yayılmağa davam edir, buna görə də ölkələr pandemiya ilə mübarizə üçün maska ​​rejiminə qayıtmalıdırlar.
Məsələ ilə bağlı “Qərb Xəbər”ə danışan infeksionist-hepatoloq Mərdan Əliyevin sözlərinə görə, yoluxma sayında artım müşahidə edilir: “Yoluxma peyvənd olunan şəxslərdə vaxt keçdikcə immun sisteminin zəifləməsi xəstəliyə qarşı həsaslığın artması ilə bağlıdır. Belə olan halda isə yoluxma artmağa başlayır. Yoluxma sayının artmasına səbəb isə insanlar qapalı məkanlarda və sıx yerlərdə maskadan istifadə etməməsidir”.

Mərdan Əliyev qeyd edib ki, maska əslində gigiyenik bir vasitə olmalıdır:”maska tək korona virusa görə istifadə olunmamalıdır. İstənilən hallarda ictimai nəqliyyatda, qapalı məkanlarda maskadan istifadə etməyin heç bir zərəri yoxdur. Həmçinin masqadan istifadə etməklə digər yoluxucu xəstəliklərdən də qorunmaq olar”.

İnfeksionistin sözlərinə görə, maska rejimi yaxın zamanlarda olmasada, qarşıdan gələn payız aylarında yoluxma sayı artacaq və belə olan halda isə maska tələbindən istifadə mütləq olacaq.

Ülviyyə Həsənli.