Qazax Elektrik Şəbəkəsi zənglərə cavab vermir…

Qazax rayon “Çinardibi” qəsəbəsində son günlərdə elektrik enerjisinin verilməsində yaranan fasilələr yerli sakinlərin narahatlığına səbəb olur. Eyni zamanda problem ərazidə yerləşən “Qərb Xəbər” və “Radio Qərb” internet radiosunun redaksiyasına da təsir edir.

Belə ki, mövcud vəziyyət problemlərə yol açır: cihazları sıradan çıxarır, vaxtında efirə çıxmağı mümkünsüz edir.

Yaranan problemin səbəbini bilmək və nasazlığın aradan qaldırılmasını tələb etmək məqsədilə Qazax Elektrik Şəbəkəsi ilə telefon əlaqəsi yaratmağa çalışsaq da, mümkün olmadı.