Rusiya nüvə sınaqlarına başladı

Rusiya Prezidenti Vladimir Putin ballistik raketlərin iştirakı ilə strateji qüvvələrin təlimlərinin başlanılmasına göstəriş verib.

Qərbxeber “RİA Novosti”yə istinadən xəbər verir ki, bu barədə Rusiya dövlət başçısının mətbuat katibi Dmitri Peskov bildirib. Onun sözlərinə görə, Putin belaruslu həmkarı Aleksandr Lukaşenko ilə birlikdə vəziyyət mərkəzindən ballistik raketlərin buraxılışını izləyir.

Kremlin saytında yerləşdirilən məlumatda bildirilir ki, Hərbi Aerokosmik Qüvvələri “Kinjal” hipersəs aeroballistik raketlərini, Şimal və Qara dəniz donanmasının gəmi və sualtı qayıqlarını – “Kalibr” qanadlı raketlərini və “Zirkon” hipersəs raketlərini buraxıb.

“İsgəndər” yerüstü qanadlı raketi “Kapustin Yar” poliqonundan, “Yars” qitələrarası ballistik raketi isə Plesetskdən buraxılıb. Tu-95MS strateji raket daşıyıcıları Pemboy və Kura poliqonlarındakı hədəfləri vura bilən havadan atılan qanadlı raketləri atıb.