Sumqayıtda rəssamların “BAX!ş”ı – FOTOLAR
“Xeberle.com” informasiya portalının təşəbbüsü və Sumqayıt Regional Mədəniyyət İdarəsinin Sumqayıt Dövlət Rəsm Qalereyasının təşkilatçılığı ilə şəhər rəssamlarının əsərlərindən ibarət “BAX!ş” adlı sərgi keçirilib.
Nəsimi adına Dənizkənarı Mədəniyyət və İstirahət Parkında açıq havada keçirilən sərgidə 18 rəssamın əl işindən ibarət əsərlər nümayiş olunub. İki gün davam edən sərgidə təqdim olunan əsərlərdə rəssamlar dini radikalizmin törətdiyi fəsadları təsvir ediblər.
Sərgini cəmiyyətin müxtəlif nümayəndələri ziyarət edib və öz fikirlərini bölüşüblər.
Layihənin nəticəsi olaraq sosial şəbəkə istifadəçilər arasında onlayn sorğu keçiriləcək və ən çox səs toplamış 3 əsər mükafatlandırılacaq.
Həmin əsərlərin müəllifləri haqqında isə “Xeberle.com” informasiya portalında yazı dərc olunacaq. Həyata keçirilən sərginin əsas məqsədi problemi cəmiyyətə mədəniyyətin bir forması olan rəsmlər vasitəsi lə çatdırmaq və mövcud situasiya ilə bağlı insanlarda fikir formalaşdırmaqdır.
