Ər-Riyadda keçiriləcək dünya çempionatına rusiyalı ağır atletlər buraxılmayacaq
Beynəlxalq Ağır Atletika Federasiyasının İcraiyyə Komitəsi Ər-Riyadda keçiriləcək dünya çempionatına rusiyalı atletlərin iştirakına icazə verməyib.
“Qərb Xəbər” xəbər verir ki, bu barədə federasiyanın mətbuat xidməti məlumat yayıb.
“İcraiyyə Komitəsi dünya çempionatında iştirak edəcək neytral idmançılardan ibarət nümayəndə heyətini təsdiqləyib. Onların hamısı Belarus pasportuna malik 12 idmançı, 7 xidmət işçisi və 1 texniki hakimdən ibarətdir”, – deyə federasiyanın məlumatında qeyd edilir.
