Zelenski: Rusiyanın zərbələri davam edir və biz buna cavab verəcəyik

“Rusiya zərbələr endirməyə davam edir. Təbii ki, biz buna cavab verəcəyik”

Bunu Ukrayna prezidenti Volodimir Zelenski deyib.

Zelenski qeyd edib ki, səhər saatlarından o, hərbçilərdən, o cümlədən Hərbi Hava Qüvvələrinin komandirindən pilotsuz təyyarələrin vurulması ilə bağlı xəbərlər alır.

Onun sözlərinə görə, Putinin Çindən verdiyi bəyanatlara baxmayaraq, Rusiya ordusunun pilotsuz təyyarələri getdikcə daha çox Ukraynaya hücum edir.

Zelenski Rusiyanın bu cür hərəkətlərini dünya ictimaiyyətinin müharibəni dayandırmaq səylərinə açıq-aşkar hörmətsizlik adlandırıb.

“İndi biz cəbhənin bəzi bölgələrində Rusiya qüvvələrinin növbəti dəfə yığıldığını görürük. Amma o, sülhə məcbur olmaq istəmir. Rusiya zərbələri davam etdirir. Təbii ki, biz buna cavab verəcəyik. Biz, o cümlədən, asimmetrik şəkildə cavab verəcəyik ki, Rusiya öz hərəkətlərinin nəticələrini mütləq hiss etsin”, – Zelenski vurğulayıb.