Zelenski: Krımda dəqiq zərbə ilə rus işğalçılarının logistikasını sıradan çıxarırıq

“Ukraynanın uzaqmənzilli dronları işğal olunmuş Krımda rus işğalçılarına dəqiq zərbələr endirir və logistikanı sıradan çıxarır”.

Qerbxeber.com xəbər verir ki, bunu Ukrayna Prezidenti Volodimir Zelenski Nyu-Yorkda keçirilən Krım Platformasının sammitində deyib.

Zelenski qeyd edib ki, Ukraynanın zərbələrinin məqsədi Rusiyanın Krımı böyük hərbi bazaya çevirməsinin qarşısını almaqdır: “Biz bunu xalqımızın həyatını qorumaq üçün edirik. Bizim uzaqmənzilli pilotsuz uçuş aparatlarımız dəqiq zərbələr endirir və Rusiya logistikasına təzyiqimiz öz nəticəsini verir”.

Sentyabrın 23-nə keçən gecə Ukrayna ordusu işğal olunmuş Krımdakı Kaça aerodromunda iki təyyarəni vurub.