Yaşlı insanlar üçün VACİB İÇKİ

Yaşlı insanların çoxu mineralların kəskin çatışmazlığı ilə üzləşirlər. Buna görə də həkimlər onlara mümkün qədər tez-tez tərəvəz, göyərti və meyvələri öz rasionlarına daxil etməyi, həmçinin hər gün bir stəkan turş süd, kefir yaxud mayalanmış bişmiş süd içməyi tövsiyə edirlər.

“Qərb Xəbər” xarici KİV-ə istinadən xəbər verir ki, mütəxəssislərin fikrincə, turş süd orqanizm üçün faydalı elementlərin, o cümlədən maqnezium, kalsium, kalium, eləcə də A, B, D və K vitaminlərinin əsl xəzinəsidir.

Ona görə də bu içkidən bir stəkan qida rasionunuza əlavə etmək çox önəmlidir. Üstəlik, turş süd hətta laktoza dözümsüzlüyü olan insanlar tərəfindən də istehlak edilə bilər.

Bundan əlavə, bu içki həzmi yaxşılaşdırmaq, qəbizlik və meteorizmin qarşısını almaq qabiliyyəti ilə məşhurdur. O, həmçinin pis xolesterolu azaltmağa kömək edir, ürək xəstəliklərinin və xoraların qarşısını alır. Hormonal tarazlığın qorunmasına və xüsusilə, yaşlı insanlar üçün vacib olan stressi aradan qaldırmağa kömək edir.

Fermentasiya edilmiş süd həmçinin bağırsaqlarda və dəridə iltihabı azaltmağa kömək edir, saç, eləcə də dırnaqları gücləndirir.