Ukrayna və Britaniya XİN başçıları Kiyevdə görüşüb

Ukraynanın xarici işlər naziri Andrey Sibiqa Kiyevdə Böyük Britaniyanın xarici işlər naziri David Lemmi ilə görüşüb.

Qerbxeber.com xəbərinə görə, bunu Ukraynanın xarici işlər naziri “X” paylaşımında bildirib.

“Bu səfər Britaniyanın qlobal liderliyinin və Ukraynaya olan sarsılmaz dəstəyinin bariz göstəricisidir. Biz Rusiyaya qarşı gələcək sanksiyaları və müdafiə sahəsində əməkdaşlığımızı müzakirə etdik”, – Sibiqa qeyd edib.

O, həmçinin Böyük Britaniyanın Ukraynada sosial, humanitar və enerji layihələri üçün 55 milyon funt-sterlinqlik yardımın vaxtında elan edilməsinə görə təşəkkür edib.