Ukrayna ordusu Donbasda rusları geri çəkilməyə məcbur etdi

Avqustun 11-də Rusiya qoşunları Donetsk vilayətində Ukrayna müdafiəsini yararaq 10 km irəliləyib.

Bu barədə “The Telegraph” qəzeti məlumat yayıb.

Bildirilib ki, bu, son ayların ən dərin hücumlarından biri olub. Lakin Ukraynanın “Azov” korpusu əks-hücuma keçib və bir neçə gün ərzində rus qüvvələrini mühasirəyə alaraq geri çəkilməyə məcbur edib. Avqustun 14-də vəziyyət sabitləşib, işğal olunmuş kəndlər azad edilib.

“Azov”un sürətli əks-hücumu sayəsində Rusiyanın əsas məqsədi olan Dobropolye–Kramatorsk yolunun ələ keçirilməsi baş tutmayıb. Təchizat yolu Ukraynanın nəzarətində qalıb.

Ukrayna Silahlı Qüvvələrinin baş komandanı Aleksandr Sırski Pokrovsk istiqamətində 6 yaşayış məntəqəsinin azad edildiyini təsdiqləyib.