Türk Dövlətləri Təşkilatı (TDT) 31 Mart – Azərbaycanlıların Soyqırımı Günü ilə bağlı paylaşım edib.
“Qərb Xəbər” məlumat verir ki, bu barədə TDT-nin “Twitter” hesabında paylaşım edilib.
“31 Mart – Azərbaycanlıların Soyqırımı Günündə azərbaycanlı qardaş və bacılarımızla birlikdə Azərbaycanın bütün qurbanlarının xatirəsini dərin ehtiramla yad edirik və bir daha bəyan edirik ki, insanlığa qarşı bu cür cinayətlərin təkrarlanmaması üçün türk dövlətləri olaraq biz bölgədə sülhün və sabitliyin təmin olunmasına çalışacağıq”, – paylaşımda bildirilib.