Trüdo İsraili Qəzzanın dinc sakinlərini müdafiə etməyə çağırıb
Kanadanın Baş naziri Castin Trüdo İsraili Qəzzanın dinc əhalisini müdafiə etmək üçün bütün səyləri göstərməyə çağırıb.
“Qərb Xəbər” TASS-a istinadən xəbər verir ki, bunu hökumət başçısı jurnalistlərə bildirib.
“Biz qətiyyətlə israr edirik ki, İsrail hətta beynəlxalq hüquqa uyğun olaraq qanuni özünümüdafiə haqqından istifadə edərək HƏMAS-ı təqib edəndə də Qəzzanın mülki əhalisini qorumaq üçün hər cür səy göstərsin”, – Kanada lideri söyləyib.
Trüdo xatırladıb ki, Kanada Qəzzaya humanitar yardımların çatdırılması üçün Fələstin-İsrail münaqişəsi zonasında atəşkəsin tərəfdarıdır.
İ.Babayeva
