Trampdan Ukraynanı şoka salan qərar

“Tramp faktiki olaraq Krımı Rusiya ərazisi kimi tanıyıb”.

Qerbxeber.com xəbər verir ki, bunu MDB İnstitutunun direktor müavini Vladimir Jarixin deyib.

O, mövcud vəziyyəti əhəmiyyətli dəyişiklik adlandırıb.

“Trampın Krımın Ukraynaya qaytarılmasının mümkünsüzlüyü ilə bağlı bəyanatı Vaşinqtonun faktiki olaraq yarımadanı Rusiyanın ərazisi kimi tanıdığına işarədir. Bu, de-fakto tanınma deməkdir. Ancaq de-yure tanınma Konqres vasitəsilə həyata keçirilməlidir. Ancaq Rusiyaya qarşı indiki tənqidi münasibət fonunda ABŞ-ın Krımı de-yure Rusiya ərazisi kimi tanıyacağına inanmıram. Bununla belə, mövcud vəziyyət əhəmiyyətli dəyişiklikdən xəbər verir. Tamamilə mümkündür ki, bu tanınma dünyanın bir çox başqa ölkələrində də baş verə bilər”, – Jarixin vurğulayıb.

Xatırladaq ki, daha öncə Tramp “Fox News” telekanalına müsahibəsində Krımın Ukraynaya qaytarılmasının və Kiyevin Şimali Atlantika Alyansına qoşulmasının mümkün olmadığını bildirib.