Tramp Ukrayna Prezidentinə Ağ Evin simvilik açarını verdi

Ukrayna Prezidenti Volodimir Zelenski və ABŞ Prezidenti Donald Tramp avqustun 18-də Ağ Evdə görüşərkən bir-birlərinə hədiyyələr veriblər.

Qerbxeber.com xəbər verir ki, bu barədə Ukrayna prezidentinin mətbuat xidmətindən məlumat verilib.

Məlumata görə, Zelenski Trampa Ukrayna ordusunun kiçik serjantı Konstantin Kartavtsevin verdiyi qolf çubuğunu hədiyyə edib.

Ukrayna prezidenti bildirib ki, əsgər müharibənin ilk aylarında yoldaşlarını xilas edərkən ayağını itirib və bundan sonra qolf onun reabilitasiyasının bir hissəsi olub və fiziki və emosional tarazlığını bərpa etməyə kömək edib.

ABŞ prezidenti qolf çubuğuna görə ukraynalı əsgərə təşəkkürünü bildirib, həmçinin Zelenskiyə Ağ Evin simvolik açarlarını təqdim edib.