Tovuzda “dönər teroru”nun qurbanları 28 nəfərə çatdı

Tovuzda dönərdən zəhərlənən şəxslərin sayı 28 nəfərə çatıb.

Xəbər verdiyimiz kimi Tovuz rayonunda dönərdən kütləvi zəhərlənmə hadisəsi baş verib.

25.06.2025-ci il tarixində saat 16:55 radələrindən başlayaraq 20 nəfər (10-u kişi, 10-u qadın cinsli olmaqla) zəhərlənmə şübhəsilə Tovuz Rayon Mərkəzi Xəstəxanasının Təcili və təxirəsalınmaz tibbi yardım şöbəsinə hospitalizasiya edilib.

Bu barədə Qerbxeber.com APA-nın Qərb bürosuna istinadən  xəbər verir.

Onların hər birinə zəruri tibbi xidmətlər göstərilib və vəziyyətləri stabil qiymətləndirilib.

Hazırda onların müalicəsi tibb müəssisəsinin Təcili və təxirəsalınmaz tibbi yardım şöbəsində davam etdirilir.