Tofiq Zülfüqarov: Rusiya Azərbaycana qarşı “proksi” müharibəyə başlayıb
Rusiya tərəfi, Azərbaycana qarşı hər hansı hərbi və güc tətbiqinə əsaslanan addımların bir sıra səbəblərə görə tamamilə mümkünsüz olduğunu anlayaraq, “proksi” (dolayı yolla) təsir taktikasını seçib.”
Qerbxeber.com xəbər verir ki, bu sözləri Azərbaycanın sabiq xarici işlər naziri Tofiq Zülfüqarov deyib. O, Rusiyanın sözügedən taktikalarını belə sıralayıb:
– Rusiyada yaşayan azərbaycanlı diasporasına təzyiq göstərmək;
– İri azərbaycan-rus və azərbaycan-yəhudi bizneslərinə təzyiq (yerli “tərəfdaşların” iştirakı olmadan sırf azərbaycanlılara məxsus böyük biznesin mövcudluğu faktiki olaraq mümkün deyil);
– Azərbaycanın ixrac potensialına qarşı sabotaj cəhdləri;
– Dövlət mediası və internet şəbəkələrinə, resurslarına hücumlar, onların bloklanmasına yönəlmiş fəaliyyətlər;
Xüsusi təbliğat: şayiələrin, yalan məlumatların, rəsmi resursların loqotipləri ilə maskalanmış feyk xəbərlərin dövriyyəyə buraxılması və s.
Sabiq nazir qeyd edib ki, bu xüsusi təbliğatın əsas məqsədi ictimai rəydir:
“Bu ideyanın müəlliflərin fikrincə, ictimai rəy çaşdırılmalı, siyasi, etnik və ya sosial konsolidasiyadan məhrum edilməlidir.
Mövcud vəziyyətin spesifikliyini nəzərə alaraq, Azərbaycan ictimaiyyəti üçün başlıca birləşdirici amil – ölkəsinin suverenliyini və ərazi bütövlüyünü bərpa etmiş qalib, çoxmillətli xalq olmaq hissidir. Bu, vətəndaş kimliyimizin əsasını təşkil edən amildir və məqsədyönlü şəkildə informasiya hücumlarına məruz qalacaq.
Son nümunə kimi “Qərbi Azərbaycan” İcmasının guya ləğv edilməsi barədə feyk məlumatları, yaxud kompensasiyalardan imtina olunduğu haqda şayiələrin dövriyyəyə buraxılmasını göstərmək olar.
Odur ki, ayıq olun və Müdafiə Nazirliyinin, eləcə də informasiya hücumlarına qarşı mübarizə aparan digər rəsmi mənbələrin materiallarını daha tez-tez paylaşın”.
Bu gün paylaşılan digər xəbərlər
Bu gün heç bir yeni xəbər yayımlanmadı