Sergey Lavrov: Qərb ölkələri birbaşa şantaj əl atır

Qərb ölkələri çoxqütblü dünyanın formalaşmasının qarşısını almaq üçün birbaşa şantaja əl atır.

Qerbxeber.com Teleqraf-a istinadən xəbər verir ki, bunu Rusiyanın xarici işlər naziri Sergey Lavrov yerli mətbuata müsahibəsində deyib .

“Qərb ölkələri çoxqütblü dünyanın formalaşmasının qarşısını almağa çalışırlar. Onlar danışıqlara, ədalətli rəqabət metodlarına deyil, birbaşa şantaj, təzyiq, sanksiyalara əl ataraq, öz dominantlıqlarını qorumağa çalışırlar”, – Rusiya XİN rəhbəri qeyd edib .

Bundan əvvəl Rusiya prezidentinin mətbuat katibi Dmitri Peskov bəyan etmişdi ki, Avropa “sakitləşmir” və Rusiya və ABŞ-ın Ukraynadakı münaqişəni sülh yolu ilə həll etmək səylərinə mane olmaqda davam edir.

Kreml nümayəndəsi qeyd edib ki, avropalılar Kiyevi “tamamilə absurd barışmazlıq xəttini davam etdirməyə” təşviq edirlər.