Saakaşvilidən inqilab mesaji: Gürcü xalqı qalib gələcək

Bidzina İvanişvili oktyabrın 4-də keçirilən seçkilər zamanı baş verənlərlə bağlı qəzəblidir”.

Bunu Gürcüstanın keçmiş prezideni Mixeil Saakaşvili özünün sosial media hesabında  deyib.

“İvanişvili və peykləri 4 oktyabrla bağlı qəzəblidir, çünki xalq “seçkilər”in boykot olunmasını bacardı. Əlbəttə, “Qızılgül” inqilabını kopyalamaq səhv hesab idi – generalların əvvəlki müharibənin ssenarisi ilə döyüşməsi düzgün deyil. “Qızılgül” inqilabı illərlə dəqiq şəkildə hazırlanmışdı.

Mən o inqilabının təşkilatçısı kimi bildirirəm ki, olduğu kimi kopyalamaq alınmayacaq. Çox şey spontan şəkildə baş verəcək, amma həmin spontanlığın da hazırlıq tələb etdiyini unutmaq olmaz”, – o bildirib.

Mixeil Saakaşvili əlavə edib ki, oktyabrın 4-də Tbilisidə başlayan aksiyalara ən mübariz gənclər qatılıb və bu insanlar cəsarətlərinə görə təşəkkürə layiqdirlər.

Gürcüstanın keçmiş lideri baş verənləri tamamlamaq və məqsədə nail olmaq üçün vətəndaşları sosial mediada fəal olmağa çağırıb: “İndi bütün bunlar dərhal həll olunmalıdır, çünki çox vaxtımız yoxdur. Gürcü xalqı qalib gələcək”.