Gürcüstanın paytaxtı Tbilisidə Gimnaziya binası önündə Ukraynada davam edən müharibə və Rusiya rejiminə qarşı etiraz aksiyası keçirilib. “Qərb Xəbər” “24News.ge”yə istinadən xəbər verir ki, nümayişçilər əllərində “Rusiya xalqı rejimi dəstəkləmir”, “Putin terrorçudur”, “Ukraynaya Azadlıq”, və s. kimi yazılı plakatlar tutublar. Mitinqin təşkilatçısı “Azad Rusiya” fondunun nümayəndəsi Yeqor Kuroptevin sözlərinə görə, bugünkü aksiyada 300-ə yaxın insan iştirak edib. O bildirib ki, mitinq iştirakçılarının gürcülərə mesajı budur ki, bütün ruslar qatil deyil, bütün ruslar Gürcüstan ərazilərini işğal etmir, bura toplaşanlar Gürcüstanın Rusiya tərəfindən işğalına qarşıdırlar. Aksiya iştirakçıları ukraynalı məcburi köçkünlərə kömək məqsədilə pul və humanitar yardım da toplayıblar.
© 2022 QərbXəbər – Developed by Arcod Technology
- +994703208557
- info@qerbxeber.com