Rəsmi Kiyev üçün MÖHTƏŞƏM XƏBƏR: Dünya Bankı və BVF Ukraynaya 5,2 mlrd. dollar dəstək ayıracaq
Dünya Bankı və Beynəlxalq Valyuta Fondu (BVF) Ukraynadakı vəziyyətlə bağlı birgə bəyanat yayıb.
“Qərb Xəbər” məlumat verir ki, BVF-nin baş direktoru Kristalina Georgiyeva bildirib ki, Fond Ukraynanın təcili maliyyələşdirmə sorğusuna cavab olaraq “Sürətli Maliyyələşdirmə Aləti” çərçivəsində işləyir və bu proqrama gələn həftə İdarə Heyəti tərəfindən baxılacaq.
“Bundan əlavə, biz Ukraynanın “Stand-by” proqramı üzərində də işləri davam etdiririk və bu proqram çərçivəsində iyunun sonuna qədər əlavə 2,2 mlrd. ABŞ dolları Ukraynaya əlçatan olacaq”, – K. Georgiyeva vurğulayıb.
Dünya Bankı Qrupunun prezidenti Devid Malpass isə Qrupun Ukrayna üçün qarşıdakı aylarda 3 mlrd. dollarlıq dəstək paketi hazırladığını qeyd edib. O əlavə edib ki, sözügedən yardım paketi bu həftə Qrupun şurasına təsdiq üçün təqdim ediləcək. Yardım ən azı 350 mln. dollar məbləğində sürətli ödənilən büdcə dəstəyi əməliyyatı, ardınca isə səhiyyə və təhsil üçün 200 mln. dollarlıq sürətli ödənilən dəstək əməliyyatı ilə başlanılacaq.
Bu gün paylaşılan digər xəbərlər
Bu gün heç bir yeni xəbər yayımlanmadı