Qazaxda “Summer cup” intellektual yarışı keçirilib
Bu gün Qazax GİKM-nin təşkilatçılığı ilə gənclər arasında “Summer cup” intellektual yarışı keçirilib.
“Bölgənin Səsi” saytının məlumatına görə, Gənclər Mərkəzində təşkil olunan turnir 2 mərhələdən ibarət olub. “Nə? Harada? Nə zaman?” mərhələsində ilk 8 yeri tutan komanda “Breyn Rinq” mərhələsinə yüksəlib. Bu raundun nəticələrinə əsasən, “Stronsium” komandası “Summer cup”a yiyələnib. “Forza Milan” II, “Vortex” isə III pilləni tutub.
İntellektual yarışda 19 komandanın heyətində 95 gənc öz biliyini nümayiş etdirib.
Qeyd edək ki, yekunda qalib və mükafatçılar müvafiq diplomlarla təltif olunublar.
