Qazaxda ildırım 11 yaşlı uşağı öldürüb

Qazaxda bədbəxt hadisə baş verib.

İldırım vurması nəticəsinə 2011 təvəllüdlü Osmanova Nuray Orxan qızı vəfat edib.

“Qərb Xəbər” məlumat verir ki, hadisə  Rayonun Birinci Şıxlı kəndində qeydə alınıb. Bu gün günorta saatlarında başlayan güclü leysan yağışla bərabər, şümsək çaxıb.Məktəbdən çıxan altıncı sinif şagirdi Nuray Osmanova, bacısı dördüncü sinif şagirdi Ayan Osmanova və xalası qızları -beşinci sinif şagirdi Əfsanə Məmmədzadəni ildırım vurub. Hadisə nəticəsində 2 məktəbli yaralanıb,bacılardan biri- Nuray hadisə yerində həlak olub.Faktı Birinci Şıxlı İcra Hakimiyyəti nümayəndəsi İlqar Kazımov  təsdiqləyib.

Ayan və Əfsanə Qazax Müalicə və Diaqnostika mərkəzinə yerləşdiriliblər.

Əfsanə Məmmədzadəyə ambulator müayinə və müalicə tədbirləri görüldükdən sonra evə buraxılıb.

Ayan Osmanovanın isə reanimasiya şöbəsində müalicəsi davam etdirilir.

Qeyd edək ki, payızın ilk günündə Qərb bölgəsində hava yağıntılı olub və güclü ildırım çaxıb.