Respublikamızın hər yerində olduğu kimi, Qazax rayonunda da taxıl biçini aparılır ki, artıq biçin yekunlaşmaq üzrədir.
Qazax rayon İcra Hakimiyyətinin verdiyi məlumata əsasən, 2022-ci ildə rayonda 11364,20 hektar sahədə taxıl əkilib. Onun 4876,60 hektarı buğda, 6487,60 hektarı arpa sahəsidir.
Dövlət tərəfindən bu sahəyə xüsusi diqqət ayrılması, texnika və lazım olan bütün ləvazimatlarla təmin olunan fermerlər, kənd sakinləri rayonda taxılçılığın inkişafı üçün hər il bu sahəyə daha çox maraq göstərirlər.
Bu günə kimi 6487,60 hektar arpa sahəsinin 6474,10 hektarında biçin aparılıb. Sahələrdən 20738,10 ton arpa toplanıb. Hələlik hər hektardan orta məhsuldarlıq 32 sentner təşkil edir.
4876,60 hektar buğda sahəsinin 4671 hektarında biçin aparılıb. Sahələrdən 17819,2 ton buğda toplanıb. Orta məhsuldarlıq 38,1 sentner təşkil edir. Qalan sahələrdə isə biçin işləri sürətlə davam etdirilir.
Vüqar Mehtizadə