Qazax Müəllimlər seminariyasına baxış keçirilib

Qazax müəllimlər seminariyasının 100 illik yubileyinin qeyd olunması haqqında ölkə prezidenti İlham Əliyev tərəfindən 3 noyabr 2018-ci ildə sərəncam imzalanıb. 

Bu sahədə Qazax Rayon İcra Hakimiyyəti tərəfindən bir sıra işlər görülüb. O cümlədən icra aparatı tərəfindən sərəncam verilib və tədbirlər planı hazırlanıb. Görülməsi nəzərdə tutulan işlərdən biri də binada cari təmir işlərinin aparılmasıdır.

Bu gün icra başçısı təmirlə əlaqədar Qazax müəllimlər seminariyasına baxış keçirib. Mövcud vəziyyətlə tanış olan icra başçısı binanın dam örtüyündə və xarici fasadında cari təmir işlərinin aparılması barədə bəzi tapşırıq və tövsiyələrini verib.

O, daha sonra Qazax Cümə məscidində olub, məscidin dam örtüyündə də cari təmir işlərinin aparılması ilə əlaqədar tapşırıq verib.