PFL Tovuz şəhər stadionuna baxış keçirdi
Tovuz şəhər stadionunun qazonunda aparılmış yenidənqurma işləri Peşəkar Futbol Liqası (PFL) tərəfindən təftiş olunub.
Bu barədə PFL məlumat yayıb.
Keçirilmiş test qarşılaşmasının uğurlu nəticələri nəzərə alınaraq, “Turan Tovuz” klubunun ev oyunlarının Tovuz şəhər stadionuna qaytarılması qərara alınıb.
Bu dəyişiklik aprelin 12-də “Sumqayıt” kollektivinə qarşı keçiriləcək qarşılaşmadan etibarən qüvvəyə minəcək.
Qeyd edək ki, “Turan Tovuz” müvəqqəti olaraq ev oyunlarını “Azərsun Arena” və Mehdi Hüseynzadə adına Sumqayıt şəhər stadionunda keçirir.
