Orbandan şok: Yalnız bu xalqlar sağ qalacaq

İndi bütün dünya çətin sınaqlardan keçir ki, yalnız güclü xalqlar yaşaya bilər, zəiflər isə məhv olacaq.

“Qərb Xəbər” xəbər verir ki, bu sözləri şənbə günü Macarıstanın Baş naziri Viktor Orban Budapeştdə Dövlət Qulluğu Milli Universitetinin hüquq-mühafizə orqanları əməkdaşlarının təlim keçəcəyi hüquq fakültəsinin açılış mərasimində çıxışı zamanı deyib.

“Biz elə bir dövrdə yaşayırıq ki, bütün dünyanın əsasları sarsılır. Biz istisna deyilik, çünki “zəlzələnin episentri” bizə yaxındır (Ukraynada). Macarıstanla qonşuluqda müharibə gedir və on, yüz minlərlə miqrant sərhədlərimizi mühasirəyə alır. Ona görə də ölkəmiz, hökumətimiz, ordumuz, hüquq-mühafizə orqanlarımız güclü olmalıdır. Elə vaxtlar olur ki, zəif xalqlar məhv olur, güclülər sağ qalaır. Ona görə də biz müdafiə xəttimizi və hüquq-mühafizə orqanlarımızı hər gün gücləndirməliyik”, – Orban bildirib.