MN: Ordumuzun bölmələrinin Ermənistan hərbçilərinin avtomobilinə atəş açması məlumatı yalandır
Azərbaycan Ordusunun bölmələri tərəfindən guya iyunun 9-u saat 18:30-da Basarkeçər rayonunun Qaraiman yaşayış məntəqəsi istiqamətində Ermənistan silahlı qüvvələrinin hərbi qulluqçularını daşıyan avtomobilə atəş açılması barədə bu ölkənin müdafiə nazirliyinin yaydığı məlumat tamamilə yalandır, həqiqətə uyğun deyil.
Bu barədə “Qərb Xəbər”ə Müdafiə Nazirliyindən bildiriblər.
“Qarşı tərəfin yaydığı bu məlumatı qəti surətdə təkzib edirik”, – Azərbaycanın Müdafiə Nazirliyindən qeyd edilib.
