MN: Ermənilər tələyə salınıb

Humanitar atəşkəs rejiminə əməl etməyən Ermənistan silahlı qüvvələrinin bölmələri qüvvə və vasitələri cəmləşdirərək cəbhənin müxtəlif istiqamətlərində hücum etməyə cəhd göstərib.

Bu barədə Müdafiə Nazirliyi məlumat yayıb. 

Qeyd olunub ki, ermənilər günorta saatlarında Tuğ kəndi istiqamətindən Hadrut istiqamətində, Aragül və Banazur istiqamətlərindən isə Cəbrayıl istiqamətində hücum etməyə cəhd göstərib.

Azərbaycan bölmələrinin gördüyü qabaqlayıcı tədbirlər nəticəsində xeyli canlı qüvvə və döyüş texnikasını itirən ermənilər geri çəkilməyə məcbur edilib. Müdafiəni düzgün təşkil edən Azərbaycan bölmələri qarşı tərəfin irəliləməsinin qarşısını alıb, onu tələyə salaraq darmadağın edib.

Döyüş toqquşması nəticədə Ermənistanın 38 nəfər canlı qüvvəsi, 2 ədəd BM-21 “Qrad” yaylım atəşli reaktiv sistemi, 7 ədəd topu və sursatla dolu 2 yük maşını məhv edilib.

Azərbaycan qoşunları hazırda bütün cəbhə boyu əməliyyat üstünlüyünə malikdir.