Marneuli rayonunda yerləşən İmam Əli (ə) məscidində İran generalı Qasim Seleymani, Əbu Mehdi əl-Mühəndisi, eyni zamanda Azərbaycanın milli qəhramanı Mübariz İbrahimovun xatirəsinə həsr olunmuş anım mərasimi keçirilib.
24News.ge xəbər verir ki, mərasim İmam Əli (ə) məscidi və Ümum Gürcüstan Müsəlmanları Ali Dini İdarəsi tərəfindən təşkil olunub.
Mərasimdə sözügedən məscidin axundu, eyni zamanda Marneuli imam cümələrindən biri olan Hacı Hacıyev çıxış edərək Qasim Süleymani, Məhdi əl-Mühəndisi və eləcədə seyid Mübariz İbrahimovun barəsində mərasim iştirakçılarına məlumat verib.
O, qeyd edib ki, Qasim Süleymani, Məhdi əl-Mühəndisi və eləcədə seyid Mübariz İbrahimov İslam şəhidləridirlər:
“Şəhadətin özü böyük bir məqamdır. Allah yolunda tökülən qanlar o cümlədən Qasım Süleymani, Məhdi əl-Mühəndisi və seyid Mübariz İbrahimovun qanı zülmün qarşısını mütləq alacaq. Bizdə özümüzə borc bildik ki, bu əzizləri xatırlayaq onları yad edək. Borçalı bölgəsi daima Əhlibeyt aşiqi olub. Burada yaşayan insanlar İmam Hüseyn (ə) aşiqləridirlər İmam Hüseyn (ə) isə zülmə qarşı olan bir şəxsdir”, – deyə H. Hacıyev bildirib.
Mərasimin davamında şəhidlərin ruhuna dualar oxunub, Qasim Süleymaninin, Mehdi əl-Mühəndisinin və Mübariz İbrahimovun ailəsinə baş sağlığı və səbr dilənib.
Anım tədbirində Quran qarisi və məddah Rza Cəfəri şəhidlərin xatirəsinə rozə və mərsiyələr oxuyub. Daha sonra mərasim ehsan süfrəsi ilə davam edib.