Məhkumların məzuniyyət məsələsinə aydınlıq gətirilib
Məhkumların məzuniyyət məsələsi qanunvericiliklə tənzimlənir. Qanunvericilikdə az ağır, ehtiyatsızlıqdan cinayət törədən və böyük ictimai təhlükə törətməyən məhkumlar üçün 7 günlük məzuniyyət nəzərdə tutulub.
“Qərb Xəbər” məlumat verir ki, bu sözləri Azərbaycan Respublikasının Ədliyyə Nazirliyi Penitensiar Xidmətinin rəis müavini Oqtay Məmmədov deyib.
O bildirib ki, bu, cəzaçəkmə müəssisəsində qaydalara riayət edən məhkumlara şamil edilir:
“Eləcə də məzuniyyətə buraxılan məhkumların cəza müddətinin yarısını çəkmiş olması şərtlərdən biridir. Məhkumlar rejim qaydalarına düzgün riayət etdikləri təqdirdə müəssisə hüdudlarından kənara müşayiətsiz yeddi gün müddətinə ailələrinin yanına göndərilirlər. Eyni zamanda, məhkumun ailəsində və ya qohumlarında hər hansı faciə baş veribsə, bu da məzuniyyət məsələsində nəzərə alınır”.
Bu gün paylaşılan digər xəbərlər
Bu gün heç bir yeni xəbər yayımlanmadı