Levan Davitaşvili: Orta dəhliz mövcud marşrutlara real alternativ yaradacaq

Orta dəhliz nəqliyyat əlaqələrinin genişləndirilməsi və əlavə yük axınlarının cəlb edilməsi üçün yeni perspektivlər açır.

Qerbxeber.com xəbər verir ki, bunu “Vesti.az”a müsahibəsində Gürcüstanın iqtisadiyyat naziri Levan Davitaşvili deyib.

Onun sözlərinə görə, Orta Dəhliz Asiya ilə Avropa arasında mühüm əlaqə olmaqla təkcə tranzit deyil, həm də bütün marşrut boyu iqtisadi fəallığın stimullaşdırılmasında və region ölkələri arasında ticarət dövriyyəsinin artırılmasında əsas rol oynayır.

Gürcüstanlı nazir Tbilisidə iki aydan çoxdur ki, davam edən mitinqlərdən də danışıb.

Bildirib ki, Tbilisi hazırkı hakimiyyət dövründə heç vaxt elan etdiyi xarici siyasət kursundan dönməyib və bu kurs ölkə Konstitusiyasında təsbit olunub.

“Biz həm siyasət, həm qanunvericilik, həm də struktur islahatları və iqtisadiyyatın Avropa standartlarına uyğunlaşdırılması sahəsində yolumuzu dəqiq müəyyən etmişik. Ölkədə Aİ-yə üzv olmaq üçün zəruri islahatlar fəal şəkildə həyata keçirir,” – Davitaşvili vurğulayıb.