Klaus Yohannis NATO-ya səsləndi: Rumıniyada müttəfiq qüvvələri çoxaldılmalı və gücləndirilməlidir
Rumıniya Prezidenti Klaus Yohannis NATO-dan ölkəsindəki mövcudluğunu gücləndirməyi xahiş edir.
“Qərb Xəbər” məlumat verir ki, bu barədə Rumıniya lideri moldovalı həmkarı Maya Sandu ilə görüşdən sonra keçirdiyi brifinqdə deyib.
Yohannis gələn həftə Brüsseldə keçiriləcək NATO-nun fövqəladə sammitində ölkəsində alyansın güclənməsinə dair çağırış edəcəyini bildirib.
“Qara dəniz regionu NATO-nun Baltikyanı ölkələrdəki şimal cinahı kimi yaxşı qorunmalı və gücləndirilməlidir. Biz NATO doktrinasına əməl etmək üçün ərazimizdə əlavə müttəfiq qüvvələrin olmasını xahiş edəcəyik”, – Rumıniya Prezidenti qeyd edib.
Bu gün paylaşılan digər xəbərlər
Bu gün heç bir yeni xəbər yayımlanmadı