İsrail İranın Şərqi Azərbaycan ostanlığında 10 hədəfi vurdu
Bu gün səhər saatlarında İsrail İrana hava hücumu çərçivəsində Şərqi Azərbaycan əyalətində 10 hədəfə zərbələr endirib.
Qerbxeber.com xəbər verir ki, bunu Şərqi Azərbaycan valiliyinin Böhran İdarəetmə Mərkəzinin rəhbəri Məcid Fərşi deyib.
O, zərbələrin hamısının hərbi hədəflərə endirildiyini, 3 nəfərin öldüyünü və 6 nəfərin yaralandığını bildirib.
“Təbrizdə 7, Marağada 1 və Bostanabadda 2 hərbi hədəfə hava zərbələri endirilib”, – Fərşi əlavə edib.
Qeyd edək ki, hava hücumu nəticəsində Təbriz yaxınlığındakı “Şəhid Kərimi” və “Əlzəhra” kazarmaları, habelə Sərdəri bölgəsindəki radar stansiyası dağıdılıb.
